بقلم/ مولاي الحسن بنسيدي علي
لَحْبابي والناس لَمْلاحْ
من قارْيِنْ سلامي
نْوَزَّعْ حليب وعسل فَقْداحْ
من يفهمو كلامي
وَناَ خْديمْهُمْ بالكٓولْ مَدّاحْ
نَرْسَمْ لَحْكايا بَقْلامي
طار طيري لقطر صدّاحْ
يْحَقَّقْ حْلامي
يْعانَقْ السْبوعا بَفْراحْ
تشفى سْقامي
وْليداتْ الركٓٓراكٓٓي لمْلاحْ
فيهُمْ زاد هْيامي
الْغَمْ علينا زَوْلوهْ وَنْزاحْ
بِهُمْ زْيانْ مْقامي
وتارخنا نْسَجْلوهْ فَ لْواحْ
يَحْلَى به كْلامي
وْمَنْ حْسَدْنا يزيد نْواحْ
مَنْ دمعوا عامي
ولعشا فشرطون عَيَّطْ لبرّاحْ
فَوْراً راه حامي
والكابرانات تْسَْعرُو من النْبَاح
نْشوفْهُمْ قدامي
الذُلْ عْليهُمْ خَيّمْ وْساحْ
نْساوْ مَلْحي وطْعامي
وشنقريحة قاسوهْ اجنون وْلَرْياحْ
وْليدْ لاليجو حْرامي
قَدْرُو بين الْخلق طاحْ
يا ربي هْزَمْ ظلاّمي
كَسّرْ كْرون الثور النَطّاحْ
وهذا زَنْدي وسْهامي
والمغرب بلاد الشرفا لَقْحاحْ
فيه زاد غْرامي
زاهي وَجْنانو مَسْكُ فَوّاحْ
من عُودْ ونَدْ شامي
يا لْواهَمْ سَلّمْ واطلب سْماحْ
وَفْهَمْ كلامي
راهْ دَعْوَتْ الشْريف تَنْتَفْ جْناحْ
عليه لْقيتْ حْمالي
مَدْ يَديك بالخير لا تكون مَشْحاحْ
لا تقطع صِلَةْ رْحامي
نقَّرْعو طْبول وَنْعيشو فْراحْ
……
والقصيدة أهديها للفريق الوطني وللشعب المغربي ولكل من دعم وشجع أسود الأطلس
